Reseidiń «Dziýdo Art» Telegram-arnasy qazaqstandyq Olimpiada chempiony Eldos Smetovtyń sporttyq mansabyndaǵy qyzyqty zańdylyqqa nazar aýdardy,, dep habarlaidy ult.kz.
Arna málimetinshe, Smetov halyqaralyq jarystarda iri jetistikterge jetkenimen, japoniialyq dziýdoshylardyń kóshbasshylaryn resmi beldesýlerde jeńe almaǵan.
Atap aitqanda, qazaqstandyq balýan Olimpiada chempiony Riýdziý Nagaiamamen birneshe ret kezdesip, olardyń eshqaisysynda jeńiske jete almaǵan. Sondai-aq ol keiingi býyn japon sportshylaryna da ese jibergeni aitylǵan.
Soǵan qaramastan, Eldos Smetov álemdik dziýdo tarihynda óz esimin altyn árippen jazdy. Ol Parij-2024 Olimpiadasynda chempion atanyp, Qazaqstan tarihyndaǵy dziýdodan tuńǵysh Olimpiada chempiony boldy.
Smetov buǵan deiin Rio-de-Janeiro-2016 Olimpiadasynda kúmis, Tokio-2020 oiyndarynda qola medal jeńip alǵan. Osylaisha ol Olimpiada júldeleriniń tolyq jiyntyǵyn ielengen sanaýly sportshylardyń qataryna endi.
Budan bólek, Eldos Smetov – 2015 jylǵy álem chempiony, álem chempionattarynyń eki dúrkin qola júldegeri, 2014 jylǵy Aziia oiyndarynyń jáne 2016 jylǵy Aziia chempionatynyń jeńimpazy.
