رەسەيدٸڭ «دزيۋدو ارت» Telegram-ارناسى قازاقستاندىق وليمپيادا چەمپيونى ەلدوس سمەتوۆتىڭ سپورتتىق مانسابىنداعى قىزىقتى زاڭدىلىققا نازار اۋداردى,, دەپ حابارلايدى ult.kz.
ارنا مەلٸمەتٸنشە, سمەتوۆ حالىقارالىق جارىستاردا ٸرٸ جەتٸستٸكتەرگە جەتكەنٸمەن, جاپونييالىق دزيۋدوشىلاردىڭ كٶشباسشىلارىن رەسمي بەلدەسۋلەردە جەڭە الماعان.
اتاپ ايتقاندا, قازاقستاندىق بالۋان وليمپيادا چەمپيونى ريۋدزيۋ ناگايامامەن بٸرنەشە رەت كەزدەسٸپ, ولاردىڭ ەشقايسىسىندا جەڭٸسكە جەتە الماعان. سونداي-اق ول كەيٸنگٸ بۋىن جاپون سپورتشىلارىنا دا ەسە جٸبەرگەنٸ ايتىلعان.
سوعان قاراماستان, ەلدوس سمەتوۆ ەلەمدٸك دزيۋدو تاريحىندا ٶز ەسٸمٸن التىن ەرٸپپەن جازدى. ول پاريج-2024 وليمپياداسىندا چەمپيون اتانىپ, قازاقستان تاريحىنداعى دزيۋدودان تۇڭعىش وليمپيادا چەمپيونى بولدى.
سمەتوۆ بۇعان دەيٸن ريو-دە-جانەيرو-2016 وليمپياداسىندا كٷمٸس, توكيو-2020 ويىندارىندا قولا مەدال جەڭٸپ العان. وسىلايشا ول وليمپيادا جٷلدەلەرٸنٸڭ تولىق جيىنتىعىن يەلەنگەن ساناۋلى سپورتشىلاردىڭ قاتارىنا ەندٸ.
بۇدان بٶلەك, ەلدوس سمەتوۆ – 2015 جىلعى ەلەم چەمپيونى, ەلەم چەمپيوناتتارىنىڭ ەكٸ دٷركٸن قولا جٷلدەگەرٸ, 2014 جىلعى ازييا ويىندارىنىڭ جەنە 2016 جىلعى ازييا چەمپيوناتىنىڭ جەڭٸمپازى.
