Foto: ashyq derekkóz
Semei qalasynyń 37 jastaǵy týmasy ózin UQK tóraǵasynyń týysy retinde tanystyryp, 200 myń dollarǵa tanymal skripkashy Aiman Musaqojaevany rektorlyq qyzmetine qaita taǵaiyndaýǵa ýáde bergen. Bul týraly Ult.kz Kozachkov offside telegram arnasyna silteme jasap habarlaidy.
2024 jyly ózin UQK tóraǵasynyń týysymyn dep tanystyrǵan Arman Tajenovke deldaldar arqyly Ulttyq óner akademiiasynyń burynǵy rektory Aiman Musaqojaevany qyzmetine qaitarý týraly usynys túsedi. Belgili skripkashy 1998 jyldan beri joǵary oqý ornyn basqarǵan, alaida 2024 jyldyń basynda zeinetke jiberilgen. Ónerpazdyń kúieýi, kásipker ári metsenat Asqar Bekbaev áielin qyzmetke qaita ornalastyrý úshin 200 myń dollar berýge daiyn bolǵan.
Aqshanyń jartysy Almatyda Tajenovke tabystalǵan. Biraz ýaqyt ótken soń ol taǵy 100 myń dollar surap, qaita bailanysqa shyqqan. Alaida deldal aqshany birden bere almaǵan soń, ýaqytsha kepil retinde óziniń kóligin Tajenovtiń atyna aýdarýdy usynǵan.
Biraq odan keiin eshqandai nátije bolmaǵan – Aiman Musaqojaeva akademiiadaǵy qyzmetine oralmady. Osydan keiin jábirlenýshiler quqyq qorǵaý organdaryna júgindi.
Arman Tajenov kinásin moiyndap, keltirilgen shyǵyndy ótegendikten, sýdia Quralai Darhanova oǵan 4 jyl shartty jaza taǵaiyndady.
