فوتو: اشىق دەرەككٶز
سەمەي قالاسىنىڭ 37 جاستاعى تۋماسى ٶزٸن ۇقك تٶراعاسىنىڭ تۋىسى رەتٸندە تانىستىرىپ, 200 مىڭ دوللارعا تانىمال سكريپكاشى ايمان مۇساقوجاەۆانى رەكتورلىق قىزمەتٸنە قايتا تاعايىنداۋعا ۋەدە بەرگەن. بۇل تۋرالى Ult.kz Kozachkov offside تەلەگرام ارناسىنا سٸلتەمە جاساپ حابارلايدى.
2024 جىلى ٶزٸن ۇقك تٶراعاسىنىڭ تۋىسىمىن دەپ تانىستىرعان ارمان تاجەنوۆكە دەلدالدار ارقىلى ۇلتتىق ٶنەر اكادەميياسىنىڭ بۇرىنعى رەكتورى ايمان مۇساقوجاەۆانى قىزمەتٸنە قايتارۋ تۋرالى ۇسىنىس تٷسەدٸ. بەلگٸلٸ سكريپكاشى 1998 جىلدان بەرٸ جوعارى وقۋ ورنىن باسقارعان, الايدا 2024 جىلدىڭ باسىندا زەينەتكە جٸبەرٸلگەن. ٶنەرپازدىڭ كٷيەۋٸ, كەسٸپكەر ەرٸ مەتسەنات اسقار بەكباەۆ ەيەلٸن قىزمەتكە قايتا ورنالاستىرۋ ٷشٸن 200 مىڭ دوللار بەرۋگە دايىن بولعان.
اقشانىڭ جارتىسى الماتىدا تاجەنوۆكە تابىستالعان. بٸراز ۋاقىت ٶتكەن سوڭ ول تاعى 100 مىڭ دوللار سۇراپ, قايتا بايلانىسقا شىققان. الايدا دەلدال اقشانى بٸردەن بەرە الماعان سوڭ, ۋاقىتشا كەپٸل رەتٸندە ٶزٸنٸڭ كٶلٸگٸن تاجەنوۆتٸڭ اتىنا اۋدارۋدى ۇسىنعان.
بٸراق ودان كەيٸن ەشقانداي نەتيجە بولماعان – ايمان مۇساقوجاەۆا اكادەميياداعى قىزمەتٸنە ورالمادى. وسىدان كەيٸن جەبٸرلەنۋشٸلەر قۇقىق قورعاۋ ورگاندارىنا جٷگٸندٸ.
ارمان تاجەنوۆ كٸنەسٸن مويىنداپ, كەلتٸرٸلگەن شىعىندى ٶتەگەندٸكتەن, سۋديا قۇرالاي دارحانوۆا وعان 4 جىل شارتتى جازا تاعايىندادى.
