Almatyda barlyq áleýmettik-ekonomikalyq kórsetkish boiynsha oń dinamika qalyptasqan, dep habarlaidy "Ult aqparat".
Almaty ákimdiginiń málimetinshe, 2023 jyly qala ekonomikasy 10,1 paiyzǵa ósip, 24,8 trln teńgege jetti. Bul keiingi 10 jyldaǵy rekordtyq kórsetkish.
«Ekonomikany damytýdyń draiverleri: óńdeý ónerkásibi 17,5% -ǵa saýda 14,5 paiyzǵa, qarjy jáne saqtandyrý qyzmeti 12,0%, aqparat jáne bailanys (11,3% jyljymaityn múlikpen operatsiialar 6,9% kólik jáne qoimalaý 5,7% paiyzǵa ósti», - dep habarlady ákimdikten.
Megapolis ekonomikasynyń damýy joǵary investitsiialyq jáne iskerlik belsendilikpen qatar júrdi. 2023 jyly Almaty qalasyna 1,8 trln negizgi kapitalǵa salynǵan investitsiia 25,3% ósti, bul rette jeke investitsiia 35,5 paiyzǵa artty.
Byltyr shaǵyn jáne orta biznes sýbektileri 19,3 trln teńgeniń ónim shyǵardy. Belsendi jumys istep turǵan biznes sýbektileriniń sany 340,1 myń birlik, bul 2022 jylmen salystyrǵanda 16,2% -ǵa artyq.
«Ekonomikanyń qarqyndy damýy jumyssyzdyq deńgeiin 2022 jylǵy 5,0%-dan 2023 jyly 4,8%-ǵa deiin tómendetýge múmkindik berdi. Jalpy, Almaty qalasynyń Qazaqstannyń jalpy ishki ónimindegi úlesi 20,6%-ǵa deiin ósti», - dep atap ótti Almaty qalasy ákimdiginen.
