Regbiden qyzdar arasyndaǵy Olimpiada oiyndaryna irikteý týrnirine qazaqstandyq sportshylar da qatysady, dep habarlaidy "Ult aqparat".
Atalǵan týrnir 19-20 maýsym kúnderi Monako memleketinde ótkiziledi.
Bas bapker Anna Iakovleva ulttyq qurama sapynda oiynaityn sportshylar tizimin jariialady. Olardyń qatarynda Diana Abisheva, Nigora Nýrmatova, Daria Tkacheva, Liýdmila Sherer, Alina Askerova, Baljan Qoishybaeva, Qundyzai Baqtybaeva, Vlada Odnoletok, Diana Qazybekova, Veronika Stepaniýga, Mariia Grishina jáne Galina Krasavina oinaityn bolady.
Aita keterligi, regbiden Qazaqstan quramasy atalǵan týrnirde V tobynda oinaidy. Qarsylastary - Jańa Gvineia, Iamaika jáne Týnis.
Regbiden Qazaqstan qyzdar quramasy Aziiada úzdikter qatarynda sanalady. Olar jeti márte Aziia chempiony ataǵyn jeńip alsa, bir márte Aziia oiyndarynda jeńis tuǵyrynan kórindi.
