Memleket basshysy Qasym-Jomart Toqaev Reformalar jónindegi joǵary keńestiń alǵashqy otyrysy 21 qazanda ótetinin aitty, dep habarlaidy "Ult aqparat".
«Keńesshim, Reformalar jónindegi joǵary keńes tóraǵasynyń orynbasary ser Sýma Chakrabartimen kezdesý barysynda biylǵy 21 qazanda ótetin keńestiń alǵashqy otyrycynyń kún tártibin talqyladyq. Negizgi reformalar aiqyndaldy, olardy pysyqtaý jýyq arada bastalýy kerek» dep jazdy Qazaqstan Prezidenti Twitter paraqshasynda.
Eske sala keteiik, biz osyǵan deiin Prezident janynan reformalar jónindegi joǵary keńes qurylǵanyn habarlaǵan bolatynbyz.
Bul keńes memlekettik organdardyń bastamasymen reformalar jónindegi asa mańyzdy usynystardy qaraý jáne bekitýmen ainalysady. Onyń jumysynyń tiimdiligin arttyrý maqsatynda keńes quramyna Eýropalyq qaita qurý jáne damý bankiniń eks-prezidenti Sýma Chakrabarti engizilgen.
