Briýsselde muǵalimder men basqa da mektep qyzmetkerleri alańǵa shyǵyp, sala biýdjetiniń qysqartylýyna narazylyqtaryn bildirdi, dep habarlaidy QazAqparat Euronews-ke silteme jasap.
Demonstranttar «Belgiiadaǵy narazylyqtar jaqyn arada búkil Eýropaǵa taralady» dep eskertti. Koronavirýstyń órshýi ulttyq bilim berý reformasy týdyrǵan máselelerdi ýshyqtyrdy. Belgiia úkimeti muǵalimderge jumys ýaqytyn uzartý, kompiýterlendirý jáne synyp sanyn kóbeitý siiaqty kúrdeli tapsyrmalar berdi.
«Biz budan ári shydai almaimyz. Biz oqýshylarǵa barymyzdy salamyz, uzaq ýaqyt kompiýterdiń aldynda otyramyz. Aýyryp sabaqtan qalý máselelerin biz sheshemiz, osynyń bárinen sharshadyq», - deidi narazylyq bildirgen muǵalimder.
Valloniia jáne Briýssel federatsiiasynda muǵalimderdiń sońǵy kóterilisi 2011 jyly ótken. Bul joly narazylyq bildirýshiler qatary artyp, barlyq kásipodaqtar da olardy qoldap otyr.
Kóptegen muǵalimder oqý baǵdarlamasynyń nashar oryndalýyna, oqý josparynyń shekteý sharalary saldarynan únemi úzilýine bailanysty oqý úlgeriminiń tómendeýi úshin jaýapkershilikti alǵysy kelmeidi.
Jaǵdai osylai jalǵasa beretin bolsa, belgiialyq muǵalimder, ásirese Valloniiada, jaqsy jaqqa ózgerister jasaý úshin EO-nyń basqa elderindegi áriptesterimen odaq qurýǵa nietti ekenderin bildirdi. Olardyń taǵy bir urany: «Mektep – bolashaqqa salynǵan investitsiia».
