Foto: Aqorda
Qazaqstan prezidenti Qasym-Jomart Toqaev Úkimettiń jumysyna baǵa berip, olardyń jumys isteýine ýaqyt berý kerek ekenin aitty, dep habarlaidy "Ult Aqparat".
Qazaqstan Úkimeti qazirgi qurammen osy ýaqytqa deiin 7 ai jumys istepti. Referendýmnan keiin onyń quramynda ózgerister bolýy múmkin degen boljam bar. Siz Úkimettiń jumysyna rizasyz ba?"- dep surady tilshiler Prezidentten.
"Úkimet, meniń oiymsha, belsendi jumys isteidi, tyrysady, Memleket basshysy retinde qoiǵan mindetterdi oryndaidy. Bizde buqaralyq aqparat quraldaryna kórinbeitin óte aýyr jumys bar. Men aqparat alyp, barlyq oqiǵalardan habardar bolyp otyrmyn sosyn, árine ministrler men Úkimettiń jumysyndaǵy kemshilikterdi kórsetemin. Biraq 7 ai - qysqa merzim. Úkimet músheleri ózderin kórsetýi kerek. Basty mindet-elimizdegi ekonomikalyq ósý kózderin izdeý",-dedi Qasym-Jomart Toqaev.
Aita keteiik, Qazaqstannyń qazirgi Úkimeti Oljas Bektenovtyń basqarýymen biyl aqpanda taǵaiyndalǵan. Buǵan deiin premer ministr Álihan Smailov bastaǵan komanda otstavkaǵa ketken.
