17 mamyrda «Assambleia jastary» respýblikalyq qoǵamdyq birlestigi jastarynyń bastamasymen referendýmdy qoldaý jónindegi respýblikalyq qoǵamdyq shtabynyń qyzmeti aiasynda Memleket basshysynyń konstitýtsiialyq reformalaryna arnalǵan pikirtalas ótti, dep habarlaidy "Ult aqparat".
Sharany Referendýmdy qoldaý respýblikalyq shtabynyń jetekshisi Tóleýbek Muqashev ashyp, referendýmǵa qatysý – jastardyń jańa qoǵam qurýǵa at salysýy úshin berilgen múmkindik ekenin atap ótti.
Is-sharaǵa Respýblikalyq qoǵamdyq shtab músheleri, «Assambleia jastary» RJU tóraǵasy T.Djýmýrbaev jáne «Ulttyq volonterlik jeli» ZTB atqarýshy direktory T.Mironiýk, oblystyq jáne qalalyq máslihattardyń jas depýtattary, oblystyq basqarma basshylary sondai-aq, jastar uiymdarynyń jetekshileri men ókilderi qatysty.
– Jańa Qazaqstan ideiasy qoǵamnyń umtylysyna jaqyn, ár túrli sanattaǵy azamattar alǵa qoiǵan zamanaýi talaptarǵa jaýap beredi. Bul, eń aldymen, «Jańa Qazaqstannyń» ádilettilik pen ózara syilastyq qaǵidattary týraly ekendigine bailanysty, - deidi «Assambleia jastary» jastar uiymynyń jetekshisi Timýr Djýmýrbaev.
Talqylaý aiasynda jastar kóshbasshylary referendýmdy ótkizýge qatysty jáne konstitýtsiialyq reforma týraly óz oilaryn ortaǵa saldy. Qazaqstan jastary, azamattyq qoǵamnyń belsendi bóligi retinde Jańa Qazaqstan ideiasyn júzege asyratyn múmkindikterdi ashatyn memlekettiń qoǵamdyq-saiasi júiesindegi ózekti ózgeristerdi talqylady.
