Qazaqstanda referendým ótkizýge 16,4 milliard teńge jumsalady. Bul somanyń 80 paiyzǵa jýyǵyna komissiia músheleriniń eńbekaqysy tólenedi. Muny Ortalyq referendým komissiiasynyń múshesi Sábila Mustafina málimdedi, - dep habarlaidy Tengrinews.kz.
Referendým ótkizýge qarajat Úkimet rezervinen bólinedi. Mustafinanyń sózinshe, komissiia shotyna aqsha áli túspegen.
"Bul somanyń 21 paiyzy (3 milliard 456,6 million teńge) daýys berý ýchaskelerin materialdyq-tehnikalyq kómek kórsetýge, referendýmnyń ortalyq, ýchaskelik jáne aýmaqtyq komissiialarynyń jumysyn júrgizýge, baspa ónimderin daiyndaýǵa, sondai-aq, aqparattyq qoldaý jónindegi jumystardy júrgizýge ketedi", - dedi Mustafina.
