23 mamyrda M.S. Nárikbaev atyndaǵy KazGIýÝ Ýniversiteti bazasynda Qazaqstan Respýblikasy Joǵary oqý oryndary qaýymdastyǵynyń bastamasymen referendýmdy qoldaý jónindegi respýblikalyq shtab músheleriniń zań fakýltetteriniń stýdentteri men professorlyq-oqytýshylar quramymen kezekti kezdesýi ótti.
Otyrys qatysýshylary Qazaqstan Respýblikasy Joǵary oqý oryndarynyń qaýymdastyǵy músheleri: «Turan-Astana» ýniversitetiniń rektory, Nur-Sultan qalasy máslihatynyń depýtaty Japarova Gúljamal Álkenqyzy, Eýraziia gýmanitarlyq institýty rektorynyń mindetin atqarýshy Ismailov Amangeldi Jaqsylyquly, Eýropalyq quqyq jáne adam quqyqtary saraptamalyq institýtynyń direktory Marat Bashimov, KazGIýÝ zań fakýltetteriniń professorlyq-oqytýshylar quramy elimizde referendým 1995 jyldan beri ótkizilmegenin atap ótip, osy jolǵy Konstitýtsiialyq jobadaǵy úlken ózgeristerdi, onyń ishinde sýperprezidenttik basqarý nysanynan klassikalyq túrdegi prezidenttik basqarý júiesine kóshý tárizdi mańyzdy máselelerdi ózara talqylady.
Eýropalyq quqyq jáne adam quqyqtary saraptamalyq institýtynyń direktory Marat Bashimov óz sózinde aldaǵy referendýmnyń jáne Konstitýtsiiaǵa engiziletin ózgeristerdiń mańyzdylyǵyn qoǵamda, onyń ishinde eńbek ujymdary ashyq pikir almasý nysanynda túsindirý jumystary júrgizilýiniń mańyzdylyǵyn atap ótti.
«Azamattar memlekettik bilikti atqarýǵa qatysýǵa berilip otyrǵan múmkindikterdi, ózderiniń quqyqtary men bostandyqtaryn qorǵaý salasynda berilip otyrǵan múmkindikterdiń mánin tereń túsine otyryp, referendýmǵa belsene qatysady dep oilaimyn», - dedi ol.
