QR Ádilet vitse-ministri Alma Muqanova respýblikalyq referendýmǵa halyq menshigindegi ortaq igilikterdi basqarý quqyǵy týraly ózgeristerdiń mánin túsindirdi, dep habarlaidy QazAqparat.
«Jerdi, onyń qoinaýyn, sýdy, ósimdikter men janýarlar dúniesin, basqa da tabiǵi resýrstardy halyq menshigi dep jariialaý usynylyp otyr. Halyq atynan menshik quqyǵyn memleket júzege asyrady. Memlekettik institýttar tek halyqtyń atynan osy resýrstardy basqarady. Bul jerge jeke menshik rejimine eshqandai jaǵdaida áser etpeitinin eskerý qajet. Iaǵni jeke menshiktegi jer odan ári jeke menshikte bolady. Sondai-aq, Konstitýtsiiada bilikke qatysty uqsas rejim, ideia bar ekenin atap ótkim keledi. Konstitýtsiia boiynsha bilik halyqqa tiesili. Alaida halyq óz biligin memlekettik institýttar arqyly júzege asyrady», - dedi Alma Muqanova.
Onyń aitýynsha, Konstitýtsiialyq reforma aiasynda el Prezidentinen ózge de joǵary laýazym ielerine saiasi partiialarǵa múshelik etýine tyiym saly kózdelip otyr.
«Konstitýtsiialyq Sottyń, Joǵarǵy Sottyń jáne ózge de sottardyń tóraǵalary men sýdialary, Ortalyq sailaý komissiiasynyń, Joǵary aýditorlyq Palatanyń Tóraǵasy men músheleri úshin saiasi partiiada, kásipodaqtarda bolýǵa, jáne qandai da bir partiiany qoldaýǵa tyiym salý usynylady», - dedi vitse-ministr.
