QR Prezidenti Qasym-Jomart Toqaev otandyq biznes ókilderimen kezdesýinde 5 maýsym kúni ótetin respýblikalyq referendýmnyń mańyzyna toqtaldy, dep habarlaidy QazAqparat.
«5 maýsymda respýblikalyq referendým ótedi. Ata zańymyzǵa ózgerister engiziledi. Halqymyz osyndai betburysty kezeńde el bolashaǵyn aiqyndaýǵa tikelei atsalysatyn bolady. Jaýapty sátte ár azamatymyzdyń daýysy airyqsha ról atqarady», - dedi Memleket basshysy.
Sondai-aq, Prezident biznes ókilderimen 4 ai buryn bolǵan kezdesýge toqtaldy.
«Ótken jolǵy basqosýda ózara pikir almasyp, jańa ustanymdardy aiqyndadyq. Birlese jumys isteýdiń joldaryn naqtyladyq. Men birqatar tapsyrma berdim. Tórt ai degen asa kóp ýaqyt emes. Biraq, osy aralyqta el ishinde jáne álemde talai nárse ózgerdi. Jańa Qazaqstandy qurýǵa kiristik», - dedi Toqaev.
