Nur-Sultan ýaqyty boiynsha saǵat 18.00-degi aladyn ala málimet boiynsha, Qazaqstandaǵy referendýmǵa sailaýshylardyń qatysý kórsetkishi 65,04 paiyz boldy. Bul týraly Ortalyq sailaý komissiiasynyń múshesi Shavkat Ótemisov málimdedi, - dep habarlaidy Tengrinews.kz.
Saǵat 18.00-degi jaǵdai boiynsha referendýmda 7 million 624 myń 641 qazaqstandyq daýys berdi.
"Ortalyq referendým komissiiasynyń oblystar, respýblikalyq mańyzy bar qalalar jáne elordadaǵy aýmaqtyq komissiialary bergen málimet boiynsha, astana ýaqytymen saǵat 18.00-de tizimge engizilgen azamattardyń jalpy sanynyń 65,04 paiyzy sailaý biýlletenderin aldy", - dedi Ótemisov.
Eske salaiyq, búgin, 5 maýsymda Qazaqstanda respýblikalyq referendým ótip jatyr.
Referendýmda qazaqstandyqtar Konstitýtsiiadaǵy túzetýlerdiń bolý ne bolmaýyna daýys beredi. Iaǵni biýlletende tek bir suraq: "Qazaqstan Respýblikasynyń Konstitýtsiiasyna ózgerister men tolyqtyrýlar engizý týraly" zań jobasynda baiandalǵan Qazaqstan Respýblikasynyń Konstitýtsiiasyna túzetýler men tolyqtyrýlardy qabyldaisyz ba?". Suraqqa "iá" ne "joq" dep jaýap berýi kerek.
