Partiialyq emes baiqaý ortalyǵynyń referendým ótkizý máselelerin talqylaý jónindegi is-sharalary "Aq jol" partiiasynyń ókilderimen kezdesýmen jalǵasty.
Partiialyq emes baiqaý ortalyǵynyń tóraǵasy Tólegen Kúnádilov saiasi partiia ókilderine referendýmdaǵy daýys berý protsesine monitoring júrgizýge baiqaýshylardy daiyndaý barysy týraly habardar etti.
Onyń aitýynsha, Partiialyq emes baiqaý ortalyǵy óz jumysynda qatań saiasi beitaraptyq, kez-kelgen artyqshylyq pen baǵalaýdy bildirýden bas tartý, baiqaýdyń obektivtiligi, qorytyndy shyǵarýdaǵy kásibilik, sailaý protsesine aralaspaý jáne ashyqtyq qaǵidattaryn ustanady.
Sondai-aq Tólegen Kúnádilov Partiialyq emes baiqaý ortalyǵy referendýmǵa qatysý úshin elimizdiń barlyq óńirlerinde 10 myńnan astam baiqaýshyny jiberýdi josparlap otyrǵanyn habarlady. Qazirgi ýaqytta Ortalyq jáne onyń filialdary baiqaýshylardy oqytý jáne ádistemelik qamtamasyz etý jumystaryn júrgizýde.
Óz kezeginde "Aqjol" QDP qoǵamdyq keńesiniń múshesi, partiianyń qalalyq filialynyń tóraǵasy Asqar Smaǵulov Partiialyq emes baiqaý ortalyǵynyń maqsattary men mindetterine qoldaý bildirdi jáne referendýmnyń ashyqtyǵyn obektivti baiqaýdy qamtamasyz etý boiynsha jumysta tabys tiledi.
