5 maýsym Nur-Sultan qalasynda «Qazaqstan» teleradiokorporatsiiasynyń uiymdastyrýymen 16 saǵattyq «Referendým» onlain marafony ótedi. Marafonda ár saǵat saiyn halyqaralyq jáne otandyq sarapshylardyń qatysýymen brifingter, diskýssiia alańdary uiymdastyrylady jáne qatysýshylar «ashyq mikrafon» alańynda túrli taqyryptar boiynsha pikir almasady. Marafonǵa 1200-den astam qonaq, ár sala boiynsha 300-den astam spiker talqylaýlarǵa qatysady. Onyń ishinde depýtattar, saiasattanýshylar, úkimettik emes uiym ókilderi, ár saladaǵy belsendi jastar men mádeniet, sport salasynyń ókilderi bar. Marafondy elimizdegi eń tanymal 23 telejýrnalist júrgizedi.
Shara 09:00-den 01:00-ge deiin otandyq BAQ-tardyń internet resýrsy men áleýmettik jelidegi paraqshalarynda onlain-transliatsiialanady.
Ár saǵat saiyn diskýssiia alańynda
- «Aldymen ekonomika jáne saiasat»
- «Telearna jáne internet: kórermen men jarnama úshin kúres»
- «Qaiyrymdylyq pen qamqorlyq: Sábit pen Saǵit oqiǵasy»
- «Feik aqparatty taratý kimge tiimdi?»
- «Jahandaný VS oqshaýlaný»
- «Saiasattaǵy áielder róli»
- «Balalarǵa qarsy kiberbýlling»
- «Jańa urpaq – jańa sana» taqyryptary talqylanady jáne bul talqylaýlar respýblikalyq telearnalar efirinen tikelei efirde kórsetiledi.
Spikerler qatarynda Májilis depýtaty Saiasat Nurbek, Amanjol Áltaev, QSZI direktory Erkin Tuqymov, memleket jáne qoǵam qairatkeri Álihan Báimenov, saiasattanýshy Ǵaziz Ábishev, Prezident janyndaǵy Memlekettik basqarý akademiiasynyń rektory Erlan Ábil, Astana halyqaralyq ýniversitetiniń dotsenti Nurbek Isabai, «Atameken Business» telearnasynyń direktory Qanat Sahariia, mediasarapshy Moldiiar Ergebekov, Stopfake.kz jobasynyń jetekshisi Aibek Kúmisbekov, eńbek quqyǵy salasyndaǵy sarapshy Bibigúl Nurasheva bar.
Sahnada marafon qatysýshylarymen Nur-Sultan qalasy Onkologiia ortalyǵynyń bas dárigeri, Qazaqstannyń Eńbek Eri Muhtar Tóleýtaev, «QazVac» vaktsinasyn ázirleýshi ǵalymdar tobynyń jetekshisi Kúnsulý Zakaria, «Nazarbaev Ziiatkerlik mektepteri» DBU Basqarma tóraiymy Kúlásh Shámshidinova, metsenat, «Altyn qyran» qaiyrymdylyq qorynyń prezidenti Islambek Saljanov, Qazaqstan grek-rim, erkin jáne áielder kúresi federatsiiasynyń prezidenti Dáýlet Turlyhanov, Olimpiada oiyndarynyń qola júldegeri, Álem chempiony Sáken Bibosynov, short-trekshi Abzal Ájǵaliev, Ulttyq óner ýniversitetiniń rektory Aiman Musaqojaeva, opera ánshisi Maira Muhamedqyzy, aktrisa Leilo Beknazar-Haninga, akter Erik Joljaqsynov, kinoprodiýser Murat Esjan erkin pikir almasady.
«Ashyq mikrofon» aidarynda marafonǵa qatysýshylar jýrnalister saýalyna jaýap beredi.
Sharada tanymal stendaperlerdiń qoiylymdary men mýzykalyq nómirler, arnaiy fleshmobtar uiymdastyrylady. Onlain marafon sońynda tikelei efirde qazaqstandyqtardyń daýys berý qorytyndysy boiynsha EXIT-POLL-dyń aldyn ala nátijeleri jariialanady.
Infoteinment formatyndaǵy aýqymdy onlain marafon Qazaqstanda tuńǵysh ret uiymdastyrylyp otyr.
«Qazaqstan» teleradiokorporatsiiasy onlain marafonnyń zańnamaǵa sáikes ótkiziletinin, úgit-nasihat jumystary júrgizilmeitinin habarlaidy.
