foto: Tengrinews.kz
Qazaqstandaǵy Adam quqyqtary jónindegi ýákil Elvira Ázimova referendýmda daýys bere almaǵan jekelegen azamattar týraly aitty, - dep habarlaidy Tengrinews.kz.
Qazaqstannyń Azamattyq aliansynyń basshysy Baný Nurǵazieva kelip túsken aryz-shaǵymdar týraly aityp ótty.
"Kei azamattar ózi tirkelgen ornyn ýaqytynda teksermegendikten daýys bere almady. Az bolsa da, meniń oiymsha, árbir jaǵdaidy qarastyryp jáne buǵan bolashaqta jol bermeý kerek, óitkeni azamattardyń sailaý quqyǵy júzege asyrylýy kerek", - dedi Nurǵazieva.
Ázimova eldegi belsendi ishki kóshi-qonǵa bailanysty keibir azamattarda referendýmda daýys berýge bailanysty qiyndyqtar bolǵanyn aitty.
"Máselen, turǵyn ýaqytsha tirkeýde tur (basqa jerde - esk.). Nemese jumys isteý úshin ýaqytsha basqa qalaǵa ketken. Qazirdiń ózinde eki ótinish tústi. Olar OSK túsiniktemelerine qaramastan búgin úi janyndaǵy sailaý ýchaskelerine baryp, daýys bere almaǵanyn aitady. Iaǵni, naqty turǵylyqty jeri boiynsha", - deidi Ázimova.
Olar mán-jaidy anyqtaý úshin aldyn ala shara qoldanbaǵan, dedi ombýdsmen.
"Árine, bir jaǵynan, adamdar BAQ-ta aitylǵan mindetter men usynystardy oryndamady dep aitýǵa bolady, biraq ekinshi jaǵynan, bul tek azamattyń jaýapkershiligi me, álde bul memleket tarapynan da jaýapkershilik pe?", - dep qosty Adam quqyqtary jónindegi ýákil.
Ázimovanyń aitýynsha, bul máseleni kelesi referendýmda sheshý kerek.
"Konstitýtsiiaǵa túzetýler men tolyqtyrýlar engizý boiynsha respýblikalyq deńgeide osyndai sipattaǵy referendým alǵash ret ótip jatyr. Mundai referendýmdar biz úshin qalypty jaǵdaiǵa ainalýy kerek, búgingi referendýmnan keiin azamattyq belsendilik arta túsetinin túsinýimiz kerek, sondyqtan naqty tetikterdi ázirleý kerek", - dep aiaqtady ol.
