Ádilet vitse-ministri Alma Muqanova 5 maýsymda ótetin referendým nátijesi boiynsha oń sheshim qabyldanǵan jaǵdaida QR Prezidentiniń ókilettigine birqatar shekteý qoiylatynyn málim etti, dep habarlaidy QazAqparat.
«Referendýmǵa shyǵarylyp jatqan konstitýtsiialyq ózgeristerdiń ishinde qoǵamda keńinen talqylaýǵa túsip jatqan máseleniń biri – Prezidenttiń laýazymyna bailanysty shekteýler. Ol degenimiz, aldymen, Prezidenttiń jaqyn týystary úshin saiasi laýazymdar men kvazimemlekettik sektorda basshylyq laýazymdardy atqarýǵa shekteý qoiylmaq. Ekinshiden, Prezidenttiń óz ókilettikterin júzege asyrý kezeńinde saiasi partiia múshesi bolýyna tyiym salynady», - dedi Alma Muqanova Ortalyq kommýnikatsiialar qyzmeti alańynda ótken baspasóz máslihatynda.
Ministr orynbasarynyń aitýynsha, Konstitýtsiiaǵa engiziletin ózgerister 12 bloktan turady.
«Sonymen qatar Memleket basshysynyń aýdan, oblys, shaǵyn qalalar men aýyldyq okrýgterdiń ákimderin sailaý jáne bosatý quqyǵy alynyp tastalady. Kórip otyrǵanyńyzdai, bul - Prezident ókilettiliginiń qysqarýy degen sóz. Iaǵni «sýperprezidenttik» basqarý úlgisinen bas tartýdy bildiredi», - deidi ol.
