Almaty qalasy boiynsha baqylaýshylardyń kapitany, «Qoǵamdyq joba» QB direktory Aleksandr Ivanovich Bratenkov, «Azamattyq bastamalar ortalyǵy» úkimettik emes uiymynyń shtab-páteriniń jetekshisi Botagóz Qudysheva Almatyda sailaýshylardyń qatysý kórsetkishi aitarlyqtai joǵary boldy degen pikirde, dep habarlaidy QazAqparat.
Botagóz Qudyshevanyń aitýynsha, baiqaýshylardyń kóp bolýy bul sailaý protsesiniń ashyqtyǵy, jariialylyǵy men sapasynyń artýyna áser etti.
«Kópten kútken referendým kúni tarihqa ainalyp barady. Biz, úkimettik emes uiym ókilderi, Jańa Qazaqstandy árqaisymyzdan, ózimizdiń ishki kózqarasymyzdan bastaý kerek ekenin sezdik. Sondyqtan referendýmǵa óz úlesimizdi qosýdy uiǵardyq jáne Almatydaǵy barlyq 507 ashyq referendým ýchaskelerine 1500-den astam táýelsiz baiqaýshylardy daiyndadyq. Bul baiqaýshylardyń barlyǵy búgin osy sailaý ýchaskelerinde referendým komissiialarymen birge boldy», - dedi spiker.
Aleksandr Bratenkov atap ótkendei, búgin Qazaqstan halqy óziniń patriotizmin kórsetip, referendýmǵa qatysty.
«Almaty qalasynda jáne jalpy elimizde ótken Referendým bizdiń halqymyzdyń belsendiligi óte joǵary ekenin rastady. Búgin belgili bir qorytyndylar týraly aitýǵa bolady», - dedi Almaty qalasy boiynsha Baqylaýshylar kapitany.
Onyń pikirinshe, sailaý protsesiniń barlyq belsendi qatysýshylarynyń, ásirese, sailaýdyń zańdylyǵyn qalyptastyratyn baiqaýshylardyń kásibi deńgeiin arttyrý qajet.
Aleksandr Bratenkov zańnamaǵa elektrondy, qashyqtan daýys berý siiaqty sailaý qyzmetiniń keibir jańa quraldaryn engizý kerek ekenin tilge tiek etti.
«Adamdardy tárbieleýde jumys isteý mańyzdy. Mysaly, keibir adamdar ózderin tizimnen taba almai, daýys berýden shettetildi dep oilady. Keibir almatylyqtar syrttai biýlleten arqyly daýys berýdi durys túsinbedi. Barlyǵymyz sailaý mádenietin kóterýimiz kerek. Biz bul sabaqtardy úirenemiz jáne áleýetti baqylaýshylardyń kontingentin keńeitemiz. Referendým siiaqty aitýly oqiǵalardyń jekelegen toptar tarapynan bedelin túsirgenin qalamas edik», - dedi ol.
Onyń aitýynsha, jalpy Almaty boiynsha aiqyn buzýshylyqtar tirkelgen joq, birneshe kúmándi sátter boldy.
«Referendým komissiialary músheleriniń tarapynan da júieli buzýshylyqtar bolǵan joq. Ýchaskelik komissiialar kásibi bolsa, baqylaýshylar talapshyl boldy»,- dedi Aleksandr Bratenkov.
