Foto:qazaqtimes.com
Respýblikalyq referendýmdy ótkizý kezinde quqyqtyq tártip pen qaýipsizdikti saqtaý úshin Ishki ister organdarynyń jeke quramy qyzmet ótkerýdiń kúsheitilgen nusqasyna aýystyryldy, -dep habarlaidy "Ult Aqparat".
El boiynsha qoǵamdyq tártipti saqtaýǵa 33 myńǵa jýyq politsiia qyzmetkeri men Ulttyq ulannyń áskeri qyzmetshileri jumyldyryldy. Onyń ishinde 18 myńy 10 myńnan astam (10 249) referendým ýchaskesinde qyzmet atqarýda.
"Qazirgi ýaqytta, qoǵamdyq tártiptiń buzylýyna jol berilgen joq. Memlekettik organdarmen (ákimdik, UQKD, TJD) birlesip, referendým ýchaskelerinde aldyn ala komissiialyq tekserýler júrgizildi. Olardyń tehnikalyq talaptarǵa sáikestigi, órtke qarsy qaýipsizdigi jáne terrorizmge qarsy qorǵalýy qaraldy. Bul nysandardyń barlyǵy táýlik boiy kúzetke alyndy", -dep otyr QR IIM resmi ókili Shyńǵys Alekeshev.
IIM ókili qazirgi ýaqytta, qoǵamdyq tártiptiń buzylýyna jol berilmegenin aityp otyr.
Sondai-aq, barlyq jeke quram quqyqtyq tártipti qamtamasyz etý, azamattardyń quqyqtary men bostandyqtaryn qorǵaý jónindegi is-qimyl algoritmimen qosymsha tanystyrylyp, olarǵa nusqaý berilgen.
«Qazaqstan Respýblikasyndaǵy sailaý týraly» Konstitýtsiialyq zańǵa sáikes politsiia qyzmetkerleriniń referendým ótkizý protsesine aralasýǵa, sondai-aq, daýys berýge arnalǵan úi-jailarda bolýǵa quqyǵy joq.
Olar qoǵamdyq tártiptiń buzylýyna den qoiý úshin daýys berý zalyna komissiia tóraǵasynyń shaqyrýymen ǵana keledi («QR-daǵy sailaý týraly» QR Zańynyń 39-babynyń 3-tarmaǵy).
Azamattar sailaý jáne respýblikalyq referendým týraly zańnamanyń buzylýy týraly ótinish túsirgen jaǵdaida, Ishki ister organdarynyń kezekshi bólimine aqparat jiberilip, prokýratýra organdary habardar etiledi.
"Azamattardyń konstitýtsiialyq quqyqtary men bostandyqtaryn qorǵaý - Ishki ister organdarynyń negizgi mindeti ekenin árqashan este ustaǵan jón. Qoǵamdyq tártip buzylǵan jaǵdaida ishki ister organdarynyń kezekshi bólimderine nemese «102» arnasyna habarlaý qajet.Ishki ister ministrligi ózine júktelgen mindetterdi oryndaýdy qamtamasyz etedi", -dep málildedi IIM ókili.
QR BP Qoǵamdyq múddelerdi qorǵaý qyzmeti basqarmasynyń bastyǵy Bekjan Qaramanov referendým kúni, iaǵni búgin úgit-nasihatqa tyiym salynǵanyn eske saldy. Sondai-aq, saýalnama nátijelerin buqaralyq aqparat quraldarynda jáne onlain-platformalarda jariialaýǵa jol berilmeidi.
"Ýchaskelik komissiialardyń daýys berýge arnalǵan úi-jailarda osyndai saýalnamalar júrgizýine de tyiym salynady. Osy talaptardy saqtamaý Ákimshilik quqyq buzýshylyq týraly kodekstiń 102 jáne 120-baptary boiynsha jaýapkershilikke ákep soǵady. Qazirgi ýaqytta mundai faktiler týraly habarlamalar bolǵan joq", - dedi spiker.
Bekjan Karamanovtyń aitýynsha, referendým týraly barlyq ótinishterdi sottar men prokýratýra organdary búgin dereý qaraidy.
"Jalpy referendým quqyqtyq aiada ótip jatyr. Referendým komissiialary men memlekettik organdar tarapynan buzýshylyqtar tirkelgen joq. Referendým ótkizýdiń zańdylyǵyn qadaǵalaýdy jalǵastyramyz", - dep túiindedi Bas prokýratýra ókili.
