Ádilet vitse-ministri Alma Muqanova 5 maýsymda ótetin respýblikalyq referendýmda Konstitýtsiiaǵa 56 túzetý engiziletinin, alaida qazaqstandyqtarǵa biýlletende bir ǵana suraqqa jaýap berý usynylǵanyn aitty, - dep habarlaidy Tengrinews.kz.
"33 bapqa barlyǵy 56 túzetý. 56 suraq bolsa, 1 azamatqa 56 biýlleten bolýy kerek. Bul basqarý turǵysynan neni bildiretinin túsinýimiz kerek. Barlyq túzetý, barlyq suraq bir-birimen tyǵyz bailanysty", - dep túsindirdi vitse-ministr OKQ onlain-brifinginde.
Alma Muqanova biýlletende basqa túzetýdiń maǵynasyn buzbas úshin kelesi bireýine daýys berýge bolmaitynyn naqtylady.
"Biz Májiliske zań qabyldaý quqyǵyn berý týraly normaǵa daýys beremiz, biraq Senatqa maquldaý nemese maquldamaý quqyǵyn beretin normaǵa daýys bermeimiz", - dedi ol.
