QR Mádeniet jáne sport ministri Aqtoty Raiymqulova mádeniet salasynyń qyzmetkerlerin kásibi merekelerimen quttyqtady, dep habarlaidy "Ult aqparat" inistrliktiń resmi saityna silteme jasap.
«Sizderdi halyqaralyq mádeniet kúnimen shyn júrekten quttyqtaimyn! Mádeniet pen óner qairatkerleri árdaiym memlekettiń qoldaýymen biik belesterdi baǵyndyryp, elimizdiń atyn alys-jaqyn shet memleketterde aishyqtap keledi. Sondyqtan da qoǵamnyń shyǵarmashylyq adamdaryna degen qurmeti airyqsha. Elimizdiń rýhani, mádeni ómirinde jańa betburystar jasap, jarqyn isterdiń uiytqysy bolyp júrgen barshańyzǵa mereilerińiz ústem, denderińiz saý bolyp, shyǵarmashylyqta tabystarǵa jete berýlerińizge tilektespin! El rýhaniiaty men mádenietin kórkeitýge qosqan úlesterińiz qashanda halyqtyń kóz aldynda júretin Sizderge osynaý eren eńbekterińiz úshin zor alǵys aitamyn. Máńgilik El mádenietiniń odan ári damýyna, ónerimizdiń biikterden kórine berýine qyzmet etip, halqymyzdy shyǵarmashylyq tabystaryńyzben qýanta berińizder!», - delingen Aqtoty Raiymqulovanyń quttyqtaýynda.
