قر مەدەنيەت جەنە سپورت مينيسترٸ اقتوتى رايىمقۇلوۆا مەدەنيەت سالاسىنىڭ قىزمەتكەرلەرٸن كەسٸبي مەرەكەلەرٸمەن قۇتتىقتادى, دەپ حابارلايدى "ۇلت اقپارات" ينيسترلٸكتٸڭ رەسمي سايتىنا سٸلتەمە جاساپ.
«سٸزدەردٸ حالىقارالىق مەدەنيەت كٷنٸمەن شىن جٷرەكتەن قۇتتىقتايمىن! مەدەنيەت پەن ٶنەر قايراتكەرلەرٸ ەردايىم مەملەكەتتٸڭ قولداۋىمەن بيٸك بەلەستەردٸ باعىندىرىپ, ەلٸمٸزدٸڭ اتىن الىس-جاقىن شەت مەملەكەتتەردە ايشىقتاپ كەلەدٸ. سوندىقتان دا قوعامنىڭ شىعارماشىلىق ادامدارىنا دەگەن قۇرمەتٸ ايرىقشا. ەلٸمٸزدٸڭ رۋحاني, مەدەني ٶمٸرٸندە جاڭا بەتبۇرىستار جاساپ, جارقىن ٸستەردٸڭ ۇيىتقىسى بولىپ جٷرگەن بارشاڭىزعا مەرەيلەرٸڭٸز ٷستەم, دەندەرٸڭٸز ساۋ بولىپ, شىعارماشىلىقتا تابىستارعا جەتە بەرۋلەرٸڭٸزگە تٸلەكتەسپٸن! ەل رۋحانيياتى مەن مەدەنيەتٸن كٶركەيتۋگە قوسقان ٷلەستەرٸڭٸز قاشاندا حالىقتىڭ كٶز الدىندا جٷرەتٸن سٸزدەرگە وسىناۋ ەرەن ەڭبەكتەرٸڭٸز ٷشٸن زور العىس ايتامىن. مەڭگٸلٸك ەل مەدەنيەتٸنٸڭ ودان ەرٸ دامۋىنا, ٶنەرٸمٸزدٸڭ بيٸكتەردەن كٶرٸنە بەرۋٸنە قىزمەت ەتٸپ, حالقىمىزدى شىعارماشىلىق تابىستارىڭىزبەن قۋانتا بەرٸڭٸزدەر!», - دەلٸنگەن اقتوتى رايىمقۇلوۆانىڭ قۇتتىقتاۋىندا.
