"Raýan" kompaniiasynyń ujymy Memleket basshysyna úndeý jasap, sońǵy ýaqytta kompaniiaǵa qysym kúsheigenin málimdedi. Olardyń aitýynsha, túrli memlekettik organdar tarapynan jii tekserister júrgizilip, ákimshilik kedergiler qoiylyp jatyr, dep habarlaidy ult.kz.
Kompaniia ókilderiniń málimetinshe, "Raýan" naryqta 25 jyldan beri jumys isteidi. Sońǵy bes jyl ishinde kásiporyn memleket biýdjetine 2 mlrd 150 mln teńge kóleminde salyq tólegen.
Alaida ujym qazirgi jaǵdaiǵa alańdaýshylyq bildirip otyr. Olardyń sózinshe, kompaniiaǵa qatysty 575 shaǵym túsken jáne qazir is qozǵalǵan.
"25 jyl naryqta qyzmet etip kelemiz. Osy ýaqyt ishinde mundai qysymdy kórgen joqpyz. Oblys ákimi Kósherovpen birigip memlekettik organdar tarapynan qysym men ákimshilik tosqaýyldar jasalyp otyr", – deidi olar.
Sondai-aq kompaniia qyzmetkerleri Prezidenttiń otandyq óndirýshilerdi qoldaý týraly ustanymyna senim bildiretinderin aitty.
"Qurmetti Prezident! Siz óz joldaýlaryńyzda otandyq óndirýshilerdi qorǵaýdy jáne kásipkerlikke jasalǵan kez kelgen qysymdy zańsyz dep baǵalaýdy tapsyrdyńyz. Ádiletti Qazaqstanda 25 jyldyq adal eńbektiń taptalýyna jáne otandyq ónimniń joiylýyna jol berilmeidi dep senemiz!" – delingen úndeýde.
https://www.tiktok.com/@rauangroup.kz/video/7644801859474984212?_r=1&_t=ZS-96jhV6mODH3
