Búgin Nur Otan partiiasy ótkizbekshi praimerizdiń erejeleri jariialandy. Buǵan deiin Praimeriz degen sózdi biz tek damyǵan Batys elderiniń tájiribesinen estýshi edik. Endi osyndai demokratiialyq dástúr Qazaqstanda da ornyǵa bastaǵany - jaqsy jańalaq.
Praimerizdiń ózi Májilis pen máslihattarǵa depýtattyqqa, partiia organdaryna, onyń atynan memlekettik laýazymdarǵa arnalǵan partiialyq tizimderdi aldyn ala partiiaishilik irikteý degendi bildiredi. Al elge bul ne bermek?
Birinshiden, partiiadaǵy kez kelgen múshe tiisti tizimge enýge mursat alady. Basty talap - onyń tek partiia ǵana emes, qoǵam aldyna shyǵyp6 qabileti men jigerin dáleldep, senimge ie bolýy.
Ekinshiden, osydan kelip partiianyń óz ishinde bastyqtyń qabaǵyna qarap qalǵandyq emes, básekelestik orta qalyptasyp, múshelerdiń belsendiligi artpaq. Bunyń nájisinde mańyzdy oryndarǵa tek súzgiden ótip ysylǵan azamattardyń kelýine jol ashylady.
Úshinshiden, tiisti kadralardy irikteýde jariialylyq pen ashyqtyq qamtamassyz etilmek, tiisinshe partiiaǵa el ishinde senim de oianady.
Tórtinshiden, aldaǵy kezeńderde siiaqty partiialyq tizimge koniýnktýraǵa ǵana baǵynyp, halyq bile bermeitin kezdeisoq dókeilerdiń, iá, ádette parlamentte úndemei otyratyn estrada men sport "juldyzdarynyń" enýi toqtatylady.
Besinshiden, praimeriz jasyryn daýys berý jolymen júretindikten, onyń áldebir tulǵa ne toptardyń yqpalynan ada bolyp, teń dárejede ári ádil ótýine jaǵdai jasalady.
Altynshydan, osylaisha iriktelgen eń myqty, saýatty, qoǵam aldynda jaýapkershiligin sezingen azamattar erteń Májilis pen Máslihatqa kep jatsa, sońǵylardyń jumysyna da jan biteri, halyqshyl saiasattyń júrgizilýi anyq.
Jetinshiden, Praimeriz bilik partiiasynyń ózi qoǵamǵa jaqyn bolýyna, onyń muń-muqtajyn tereń sezinýine tamasha múmkindik beredi.
Qysqasy, Nur Otan-nyń osy bastamasy zaman talabyna sai órkenietti elderdiń tájiribesine súiengen quptarlyq is. Alaida shyndyǵynda Praimeriz Qazaqqa tyń jańalyq emes. Tarihqa úńilsek, buǵan uqsas igi dástúrdi ata-babalarymyz keńinen qoldanǵan. Han men sultandardy sailaǵanda, Otan úshin taǵdyrly sheshim qabyldaý qajet bolǵanda ár aýyl, ár rý óz igi-jaqsylaryn tańdap, álgindei el aǵalalary bas qosqan jiyndarǵa ókil etip jibergen.
Osylaisha, Dala Demokratiiasyn qurǵan. Sondyqtan búgingi Praimerizdi sol umyt bolǵan igi dástúrdiń jańǵyrýy dep qabyldaǵan qisyndy. Endigi rette mańyzdysy áý bastaǵy jaqsy bastamany naýqanshyldyqqa ainaldyrmai, naǵyz halyqtyq bilikti ornatý maqsatynda tiimdi paidalaný bolyp tabylady.
Rasýl Jumaly, saiasattanýshy
