«Kazakh Tourism» ulttyq kompaniiasynyń basqarma tóraǵasy bolyp Rashid Kúzembaev taǵaiyndaldy, dep habarlaidy "Ult aqparat".
QR Mádeniet jáne sport ministrligi baspasóz qyzmetiniń málimetinshe, Rashid Talapuly 1969 jyly 7 tamyzda Qaraǵandy oblysynda dúniege kelgen. Máskeý memlekettik ýniversitetin bitirgen. Máskeýdegi Joǵary ekonomika mektebinde iskerlik basqarý magistri dárejesin alǵan.
Eńbek jolyn «Altyn Alma» AQ ekonomikalyq saraptama bóliminiń basshysy bolyp bastady. Ár jyldary QR Memlekettik múlik jáne jekeshelendirý komitetiniń bas mamany, komitettiń Qarjy jáne býhgalterlik esep bas basqarmasy basshysynyń orynbasary, basshysy, Qarjy jáne ekonomika departamenti bas direktorynyń orynbasary, direktor jáne bas direktordyń keńesshisi boldy. «Qazaqstan temir joly» AQ apparatynyń basshysy qyzmetin atqardy.
2001 jyldan QR Kólik jáne kommýnikatsiia ministrligi apparatynyń basshysy, QR Saýda-ónerkásip palatasy odaǵynyń vitse-prezidenti, «DALA GROUP» AQ bas direktorynyń keńesshisi jáne atqarýshy direktory, QR Prezidenti Is basqarmasy Meditsinalyq ortalyǵynyń basshy orynbasary bolyp jumys istedi.
«Eren eńbegi úshin» medalmen jáne «Densaýlyq saqtaý isine qosqan úlesi úshin» tós belgimen marapattalǵan.
Aita keteiik, «KAZAKH TOURISM» Ulttyq kompaniiasy AQ Qazaqstannyń týristtik salasyn damytý úshin quryldy jáne ulttyq kompaniia kelesi 7 negizgi qyzmetti atqaratyn bolady:
1) Qazaqstandy halyqaralyq týristtik destinatsiia (týristter keletin aimaq) retinde alǵa jyljytý;
2) Qazaqstannyń týristtik brendin kásibi basqarý;
3) marketing strategiialaryn qurý jáne iske asyrý;
4) syrtqy jáne ishki týristterdi tartý;
5) týristik indýstriiaǵa syrtqy jáne ishki investitsiialar aǵymyn tartý;
6) investitsiialyq jobalarǵa minoritarlyq negizde qatysý;
7) týristtik salaǵa bilikti mamandardy daiyndaityn ortalyqty ashý.
