Ishki ister ministrligi qylmystyq raqymshylyqtyń júzege asyrylý barysy týraly málimet jariialap, búginge deiin 620 adamnyń túrmeden bosatylǵanyn habarlady, dep habarlaidy ult.kz.
Qylmystyq-atqarý júiesi komiteti tóraǵasynyń birinshi orynbasary Niiaz Ryspaevtyń aitýynsha, sottarǵa raqymshylyq qoldaný týraly 10 myńǵa jýyq usynys joldanǵan. Onyń ishinde 4 400 usynysty qylmystyq-atqarý júiesi mekemeleri, al 6 900-den astamyn probatsiialyq qyzmetter daiyndaǵan.
Qazirgi ýaqytta sottar myńnan astam materialdy qarap úlgergen. Sonyń nátijesinde túzeý mekemelerinen 620 adam bosatyldy.
Sonymen qatar, probatsiialyq qyzmetterdiń usynystary negizinde probatsiialyq esepte turǵan 724 adam jazadan bosatylyp, 730-dan astam sottalǵannyń jaza merzimi qysqartyldy.
Niiaz Ryspaevtyń sózinshe, raqymshylyq árbir sottalǵanǵa avtomatty túrde qoldanylmaidy. Árbir is jeke qaralyp, túpkilikti sheshimdi sot qabyldaidy.
Ministrlik málimetinshe, raqymshylyqpen bosatylǵan azamattardyń barlyǵy ákimshilik baqylaýǵa alynady.
