Sheshenstan basshysy Ramzan Qadyrovtyń uly, respýblikanyń Qaýipsizdik keńesiniń hatshysy 18 jastaǵy Adam Qadyrov Groznyida ótken sharaǵa leitenant shenine sáikes keletin pogonmen qatysty, dep habarlaidy ult.kz.
Adam Qadyrovtyń eki kishkentai juldyzy bar pogon taqqany baiqalady. Mundai belgiler Reseidegi leitenant áskeri shenine sáikes keledi. Ol Dene shynyqtyrý qyzmetkerleri kúnine arnalǵan is-sharaǵa qatysqan. Merekeden túsirilgen kadrlardy Ramzan Qadyrov 7 tamyzda óziniń Telegram-arnasynda jariialaǵan.
Resei zańnamasyna sáikes, kishi leitenanttan leitenant shenine ótý úshin áskeri qyzmetshilerge eki jyl, al politsiia, ishki qyzmet jáne ádilet organdary qyzmetkerlerine bir jyl eńbek ótili qajet.
Buǵan deiin, naýryz aiynda Ramzan Qadyrov óńirdegi kúshtik qurylymdardyń komandirlerimen ótken keńestiń videosyn jariialaǵan. Sol kezde reseilik BAQ Adam Qadyrov jiynǵa maior shenindegi pogonmen qatysty dep jazǵan.
Alaida Sheshenstan basshysynyń baspasóz hatshysy Ilman Vahidov keiin bul aqparatty naqtylap, Adam Qadyrovtyń taqqan pogony kishi leitenant shenine sáikes keletinin aitqan.
