Ramzan Qadyrovtyń 18 jastaǵy uly Sheshenstannyń sport ministri boldy

Sýret: RBK

Sheshenstan respýblikasynyń basshysy Ramzan Qadyrovtyń uly Ahmat Qadyrov dene shynyqtyrý jáne sport ministri bolyp taǵaiyndaldy, dep habarlaidy "Ult aqparat".

"Ahmat Qadyrov Sheshenstan Respýblikasynyń dene shynyqtyrý jáne sport ministri bolyp taǵaiyndaldy. Buǵan deiin bul qyzmetti atqarǵan Isa Ibragimov Sheshenstan Respýblikasy basshysy men úkimeti ákimshiligi basshysynyń orynbasary qyzmetine aýystyryldy. Sheshenstan Respýblikasynyń jastar isi jónindegi ministrligin Ramzan Vismýradov basqarady. Temirlan Hýchiev Sheshen Respýblikasynyń indýstriia jáne energetika ministri qyzmetine usynyldy", – dep jazdy Qadyrov óziniń Telegram-arnasynda.

Aita keteiik, 21 mamyrda tańerteń Sheshenstan úkimetiniń basshysy Mýslim Hýchievtiń otstavkaǵa ketkeni belgili boldy.

2024 jyldyń 12 aqpanynan bastap 18 jastaǵy Ahmat Qadyrov Sheshenstannyń jastar isi jónindegi ministri qyzmetin atqardy.

Eske salaiyq, buǵan deiin Ramzan Qadyrovtyń 24 jastaǵy qyzy Aishat Sheshenstan úkimeti basshysynyń orynbasary qyzmetine taǵaiyndalatynyn jazǵan edik.