Konstitýtsiia egemen Qazaqstannyń damýynyń strategiialyq baǵyttaryn aiqyndaityn mańyzdy saiasi jáne quqyqtyq qujat qana emes, sonymen birge basty memlekettik jáne áleýmettik qundylyq boldy. Bul týraly Qazaqstan Respýblikasynyń Zań shyǵarý jáne quqyqtyq aqparat institýtynyń direktory Ramazan Sárpekov aitty, dep habarlaidy QazAqparat.
«Ózderińiz bilesizder, 25 jyl buryn qazaqstandyqtar elimizdiń negizgi Zańyn jalpyhalyqtyq referendým arqyly qabyldady. QR Tuńǵysh Prezidenti - Elbasy Nursultan Nazarbaev atap ótkendei, ol qazaqstandyq jetistiktiń basty faktory boldy. Osy kezeńde Konstitýtsiia egemendi Qazaqstan damýynyń strategiialyq baǵyttaryn aiqyndaityn mańyzdy saiasi-quqyqtyq qujat qana emes, sonymen qatar qazaqstandyq azamattyq pen patriotizmdi qalyptastyrýǵa negiz bolǵan basty memlekettik jáne áleýmettik qundylyq boldy», - deidi Ramazan Sárpekov.
Spiker Konstitýtsiia bizdiń elimizde beibitshilikti, kelisimdi qamtamasyz etýdiń, memlekettik bilik pen basqarýdyń búkil júiesin nyǵaitýdyń, ekonomikany edáýir reformalaýdyń, teńdestirilgen syrtqy jáne ishki saiasatty júrgizýdiń, demokratiialyq institýttardy damytýdyń jáne áleýmettik modernizatsiianyń senimdi negizine ainalǵanyn aitty.
«Konstitýtsiiany ázirleý men qabyldaýdyń bastaýlarynda QR Tuńǵysh Prezidenti - Elbasy Nursultan Ábishuly Nazarbaev tur. Nursultan Ábishulynyń Konstitýtsiia mátinin jasaý men talqylaýǵa jeke baqylaý jasaǵany sózsiz. Ol egjei-tegjeiine deiin tereń boilap, jobanyń ár baby men ár jolyn muqiiat zerttep, óte mańyzdy túzetýler men tolyqtyrýlar engizdi. Sondyqtan óziniń mereitoiyna orai Konstitýtsiialyq Keńes «QR Tuńǵysh Prezidentiniń Qazaqstan Respýblikasynyń konstitýtsiialyq qurylysyndaǵy róli. Elbasynyń sabaqtary» atty kitap shyǵaryp, osy jyly 1 shildede Tuńǵysh Prezident qory kitaptyń tusaýyn kesti», - deidi Ramazan Sárpekov.
Eske sala ketsek, elordada «Qazaqstan Respýblikasynyń Konstitýtsiiasy - qoǵam men memleketti áleýmettik jańǵyrtýdyń irgeli negizi» taqyrybyndaǵy halyqaralyq ǵylymi-praktikalyq onlain konferentsiia bastaldy.
Konferentsiiaǵa Parlament depýtattary, QR Konstitýtsiialyq Keńesiniń músheleri, memlekettik organdardyń basshylary men ókilderi, Qazaqstannyń ǵylymi qoǵamdastyǵy jáne Germaniia, Resei, Belarýs jáne Qyrǵyzstannan kelgen halyqaralyq sarapshylar qatysýda. Konferentsiiany Qazaqstan Respýblikasy Konstitýtsiialyq Keńesiniń qoldaýymen Zańnama jáne quqyqtyq aqparat institýty negizinde Ádilet ministrligi uiymdastyrdy.
