«Aýyl» halyqtyq demokratiialyq patriottar partiiasy tóraǵasynyń birinshi orynbasary Tóleýtai Raqymbekov óz jaqtastarynyń jer máselesine qatysty ustanymyn jariia etti, dep habarlaidy "Ult aqparat".
«Bizdiń bul másele boiynsha kózqarasymyz turaqty. Ony aityp ta júrmiz. qazaqstannyń jeri sheteldikterge jáne azamattyǵy joq tulǵalarǵa satylmaýy jáne jalǵa berilmeýi kerek! Osy «El amanaty» saýalnamasy bastalǵan kezde Ortalyq kommýnikatsiialyq qyzmetine kelip, aitqanym bar edi: Jerdiń ózi bizge ata-babamyzdan amanat retinde qalǵan. Jerdi Anaǵa teńep jatamyz. Al sol jerdi satqan - Anany saýdalanǵanmen birdei. Sondyqtan jerdi satýǵa, jalǵa berýge qarsymyz», - dedi Tóleýtai Raqymbekov OKQ-da ótken baspasóz máslihatynda.
«Aýyl» HDPP tóraǵasynyń birinshi orynbasary «jer satylmasyn» degen bap zańdy aktilerge engizilýi kerektigin málim etti.
