Akter Rahman Omarovtyń burynǵy zaiybyn óltirdi degen kúdikpen ustalǵan áiel 15 jyl 6 aiǵa bas bostandyǵynan aiyryldy, dep habarlaidy QazAqparat tilshisi.
Sýdia 30 jastaǵy Aqtolqyn Súleimenovany QR QK 99-babynyń 1-bólimimen, 24-babynyń 3-bólimimen, 99-babynyń 2-bólimimen aiypty dep taýyp, 15 jylǵa bas bostandyǵynan aiyrý jazasyn taǵaiyndady.
Sonymen qatar, sot Aqtolqyn Súleimenovany jábirlenýshi tarapqa 4,5 mln teńge kóleminde moraldyq shyǵyn tóleýge talap qoidy. Sondai-aq, 2 mln 154 myń teńge kóleminde sot shyǵyndaryn tóleýge mindettedi.
Aita ketsek, qaiǵyly oqiǵa 2018 jyldyń maýsymynda bolǵan edi.
Gúlderaiym Omarova Aqkent shaǵynaýdanyndaǵy páterin jalǵa berip kelgen.
Maýsymnyń 26 kúni ol jalǵa alý aqysyn alý úshin páter jaldaýshylaryna barǵan. Sol kezde páter qojaiyny men jaldaýshylar arasynda kikiljiń týyndaǵan. Daý-damaidyń arty qaiǵyly jaǵdaiǵa ulasqan. Eki áiel Gúlderaiymǵa birneshe jerinen pyshaq salǵan. Ol sol jerde alǵan jaraqatynan kóz jumdy.
