اكتەر راحمان وماروۆتىڭ بۇرىنعى زايىبىن ٶلتٸردٸ دەگەن كٷدٸكپەن ۇستالعان ەيەل 15 جىل 6 ايعا باس بوستاندىعىنان ايىرىلدى, دەپ حابارلايدى قازاقپارات تٸلشٸسٸ.
سۋديا 30 جاستاعى اقتولقىن سٷلەيمەنوۆانى قر قك 99-بابىنىڭ 1-بٶلٸمٸمەن, 24-بابىنىڭ 3-بٶلٸمٸمەن, 99-بابىنىڭ 2-بٶلٸمٸمەن ايىپتى دەپ تاۋىپ, 15 جىلعا باس بوستاندىعىنان ايىرۋ جازاسىن تاعايىندادى.
سونىمەن قاتار, سوت اقتولقىن سٷلەيمەنوۆانى جەبٸرلەنۋشٸ تاراپقا 4,5 ملن تەڭگە كٶلەمٸندە مورالدىق شىعىن تٶلەۋگە تالاپ قويدى. سونداي-اق, 2 ملن 154 مىڭ تەڭگە كٶلەمٸندە سوت شىعىندارىن تٶلەۋگە مٸندەتتەدٸ.
ايتا كەتسەك, قايعىلى وقيعا 2018 جىلدىڭ ماۋسىمىندا بولعان ەدٸ.
گٷلدەرايىم وماروۆا اقكەنت شاعىناۋدانىنداعى پەتەرٸن جالعا بەرٸپ كەلگەن.
ماۋسىمنىڭ 26 كٷنٸ ول جالعا الۋ اقىسىن الۋ ٷشٸن پەتەر جالداۋشىلارىنا بارعان. سول كەزدە پەتەر قوجايىنى مەن جالداۋشىلار اراسىندا كيكٸلجٸڭ تۋىنداعان. داۋ-دامايدىڭ ارتى قايعىلى جاعدايعا ۇلاسقان. ەكٸ ەيەل گٷلدەرايىمعا بٸرنەشە جەرٸنەن پىشاق سالعان. ول سول جەردە العان جاراقاتىنان كٶز جۇمدى.
