Rahat Toqbaev Qarjy ministrligi Qazynashylyq komitetiniń tóraǵasy qyzmetine taǵaiyndaldy, - dep habarlaidy "Ult aqparat" Premer-ministrdiń baspasóz qyzmetine silteme jasap.
"QR qarjy ministriniń buiryǵy boiynsha, Rahat Keldibaiuly Toqbaev QR Qarjy ministrligi Qazynashylyq komitetiniń tóraǵasy qyzmetine taǵaiyndaldy", - delingen habarlamada.
Rahat Toqbaev 1965 jyly Aqmola oblysynda dúniege kelgen. Almaty halyq sharýashylyǵy institýtyn, "Turan" ýniversitetin bitirgen. Eńbek jolyn 1982 jyly Atbasar jóndeý-mehanikalyq zaýytynda temir ustasynyń shákirti bolyp bastaǵan.
1985 jyldan 1998 jylǵa deiin qarjy-nesie mekemelerinde jumys istedi. 1998-2001 jyldary - Astana qalasy boiynsha Qazynashylyq basqarmasynyń valiýtalyq operatsiialar bóliminiń basshysy.
2001-2006 jyldary - Astana qalasy boiynsha Qazynashylyq departamenti basshysynyń orynbasary, Qarjy departamenti basshysynyń orynbasary.
2007-2013 jyldary - Astana qalasy boiynsha Qazynashylyq departamentiniń basshysy.
2013-2021 jyldary - QR Qarjy ministrliginiń Qazynashylyq komitetiniń Qazynashylyq departamentiniń basshysy.
2021 jylǵy mamyrdan bastap qazirgi ýaqytqa deiin QR Qarjy ministrliginiń Qazynashylyq komiteti tóraǵasynyń orynbasary qyzmetin atqarǵan.
