راحات توقباەۆ قارجى مينيسترلٸگٸ قازىناشىلىق كوميتەتٸنٸڭ تٶراعاسى قىزمەتٸنە تاعايىندالدى, - دەپ حابارلايدى "ۇلت اقپارات" پرەمەر-مينيستردٸڭ باسپاسٶز قىزمەتٸنە سٸلتەمە جاساپ.
"قر قارجى مينيسترٸنٸڭ بۇيرىعى بويىنشا, راحات كەلدٸبايۇلى توقباەۆ قر قارجى مينيسترلٸگٸ قازىناشىلىق كوميتەتٸنٸڭ تٶراعاسى قىزمەتٸنە تاعايىندالدى", - دەلٸنگەن حابارلامادا.
راحات توقباەۆ 1965 جىلى اقمولا وبلىسىندا دٷنيەگە كەلگەن. الماتى حالىق شارۋاشىلىعى ينستيتۋتىن, "تۇران" ۋنيۆەرسيتەتٸن بٸتٸرگەن. ەڭبەك جولىن 1982 جىلى اتباسار جٶندەۋ-مەحانيكالىق زاۋىتىندا تەمٸر ۇستاسىنىڭ شەكٸرتٸ بولىپ باستاعان.
1985 جىلدان 1998 جىلعا دەيٸن قارجى-نەسيە مەكەمەلەرٸندە جۇمىس ٸستەدٸ. 1998-2001 جىلدارى - استانا قالاسى بويىنشا قازىناشىلىق باسقارماسىنىڭ ۆاليۋتالىق وپەراتسييالار بٶلٸمٸنٸڭ باسشىسى.
2001-2006 جىلدارى - استانا قالاسى بويىنشا قازىناشىلىق دەپارتامەنتٸ باسشىسىنىڭ ورىنباسارى, قارجى دەپارتامەنتٸ باسشىسىنىڭ ورىنباسارى.
2007-2013 جىلدارى - استانا قالاسى بويىنشا قازىناشىلىق دەپارتامەنتٸنٸڭ باسشىسى.
2013-2021 جىلدارى - قر قارجى مينيسترلٸگٸنٸڭ قازىناشىلىق كوميتەتٸنٸڭ قازىناشىلىق دەپارتامەنتٸنٸڭ باسشىسى.
2021 جىلعى مامىردان باستاپ قازٸرگٸ ۋاقىتقا دەيٸن قر قارجى مينيسترلٸگٸنٸڭ قازىناشىلىق كوميتەتٸ تٶراعاسىنىڭ ورىنباسارى قىزمەتٸن اتقارعان.
