Almaty bas sanitariialyq dárigeri Jandarbek Bekshin onlain brifing barysynda «Rahat» fabrikasyndaǵy ahýalǵa qatysty túsinik berdi, dep habarlaidy "Ult aqparat".
Munyń aldynda «Rahat» fabrikasynda koronavirýs infektsiiasy tabylýyna bailanysty fabrika jumysy toqtatylǵanyn jazǵan bolatynbyz.
«Rahat fabrikasynda 30 mamyr men 4 maýsym aralyǵynda 10 adamnan KVI anyqtalǵan. Birinshi, fabrikanyń bir qyzmetkeri josparly operatsiiaǵa túsken kezde odan virýs tabylǵan. Keiin zaýytqa kireberiste turǵan teplovizor arqyly taǵy 8 adamnyń qyzýy joǵary ekeni anyqtaldy. Sol sátte jedel járdem shaqyrylǵan. Qyzýy kóterilgen jumyskerlerdiń barlyǵynda koronavirýs infektsiiasy bar ekeni anyqtaldy», - dedi ol.
Onyń aitýynsha, fabrikanyń 1500-ge jýyq qyzmetkeri tekserilgen. Olardyń ishinde 467 adamnan virýs tabyldy. Olarda simptom belgileri bolmaǵan. Olardyń barlyǵy úi karantinine jiberildi.
