Búgin QR Úkimetiniń alańynda ótken brifingte ulttyq ekonomika ministri Rsýlan Dálenov 2020 jyldyń sońyna deiin ekonomikalyq ósýdi qalpyna keltirý jónindegi keshendi jospardy iske asyrý boiynsha qabyldanyp jatqan sharalar týraly aityp berdi, dep habarlaidy primeminister.kz saity.
Ministrdiń aitýynsha, Keshendi jospar ekonomika salalaryn qoldaý jónindegi jedel sharalardy qamtidy. Olar óndeý ónerkásibi, agroónerkásip jáne taý-ken metallýrgiiasy kesheni, qurylys, azamattyq aviatsiia, logistika, týrizm, shaǵyn jáne orta biznes, qyzmet kórsetý sektory jáne irgeles salalar. Ózekti máselelerdi jedel sheshý maqsatynda ár sala boiynsha jańa sharalar ázirlendi.
«Barlyq sharalar mańyzdy, barlyq salalar tyńdalyp, josparǵa árbir sektor boiynsha naqty sharalar engizildi. Jyl sońyna deiingi bul sharalardy men asa mańyzdy dep sanaimyn, bul nesielendirý, ásirese, shaǵyn jáne mikrobiznesti nesielendirý máseleleri, kepil, qazaqstandyq óndirýshini qoldaý máseleleri, salyqtyq yntalandyrý, rásimderdi jeńildetý. Eń basty maqsat - bul jumyspen qamtý», — dedi R. Dálenov.
Onyń aitýynsha, alǵash ret mikro jáne shaǵyn biznestiń jańa baǵyty ashylady. Olar úidiń janyndaǵy dúkender, shashtarazdar, shaǵyn óndirister, naýbaihanalar, STO.
«Olar 6% mólsherlememen nesie alý túrindegi qoldaýǵa ie bolady. Eger ainalma qarajaty qajet bolsa, onda nesie 5 mln teńge bolady, eger óndiristik qajettilikterge qajet bolsa 20 mln teńgege deiin beriledi. Bul rette, eger kepili bolmasa, onda memleket tarapynan nesie somasynyń 85%-y kóleminde kepildikter usynylatyn bolady», — dep túsindirdi ulttyq ekonomika ministri.
Sonymen qatar R. Dálenov elimizde tótenshe jaǵdai aiaqtalǵannan keiin de salyqtan bosatý merzimderiniń saqtalatyny týraly aityp berdi.
«Tótenshe jaǵdai aiaqtaldy, biraq salyqtan bosatý, ony keiinge qaldyrý buryn qabyldanǵan sheshimderde kórsetilgen merzimder boiy jalǵasa beredi», — dedi R. Dálenov.
Mysaly, shaǵyn jáne orta biznes úshin salyq tóleýdi keiinge qaldyrý 1 maýsymǵa deiin kúshinde bolady, májbúrlep óndirip alý, kameraldyq habarlandyrý sharalaryn qoldanbaý 1 maýsymǵa deiin jalǵasady. 1 qazanǵa deiin Eńbekaqy tóleý qorynan salyq pen tólemderden saýda jáne azyq-túlik taýarlary, qoǵamdyq tamaqtaný, saýda ortalyqtary, shashtarazdar t.b. bosatylady.
