Qyzylorda oblysynyń Jańaqorǵan aýdanynda 20 jastaǵy jigittiń máiiti qudyqtan tabyldy. Atalǵan fakti boiynsha qylmystyq is qozǵalyp, kúdikti retinde marqumnyń 16 jastaǵy týǵan inisi ustaldy, dep habarlaidy ult.kz.
Aqparatqa sáikes, Meiirjan Rústem túnde uiyqtaýǵa jatqannan keiin tańerteń úiinen tabylmaǵan. Týystary ony dereý izdeýge kirisip, bir táýlikten soń denesin qudyqtan tapqan.
Áleýmettik jelilerde taraǵan málimetter boiynsha, qaiǵyly oqiǵaǵa deiin úide birneshe ret aqsha joǵalǵan. Marqum bul úshin inisin kinálap, eskertý jasaǵan degen aqparat bar. Boljam boiynsha, aǵaiyndylar arasyndaǵy janjal qaiǵyly jaǵdaiǵa ulasýy múmkin.
Alaida marqumnyń týystary bul nusqaǵa kúmán keltirip otyr. Olardyń pikirinshe, jigittiń ólimine basqa adamdardyń qatysy bolýy yqtimal.
Qyzylorda oblystyq politsiia departamenti 1 maýsym kúni Jańaqorǵan aýdany turǵynynyń ólimi boiynsha qylmystyq is qozǵalǵanyn málimdedi.
«Kúdikti ustalyp, sot sanktsiiasymen qamaýǵa alyndy», – dep habarlady vedomstvo.
Qazirgi ýaqytta oqiǵanyń barlyq mán-jaiyn anyqtaý maqsatynda tergeý amaldary júrgizilip jatyr.
