Qyzylorda oblysynyń Syrdariia aýdanynda hokkei jattyqtyrýshysy kámeletke tolmaǵan shákirtin zorlady degen kúdikke ilindi, dep habarlaidy ult.kz.
Aldyn ala málimet boiynsha, 16 jastaǵy qyz bapkeriniń eki jyl boiy ózin qorqytyp, zorlyq kórsetkenin aitqan.
«Bapkerim eki jyl boiy qorlap, qorqytyp keldi», – degen kámeletke tolmaǵan qyz.
Qazir kúdikti qamaýǵa alynǵan. Oqiǵaǵa qatysty tergeý amaldary júrgizilip jatyr.
Bul jaǵdai qoǵamda balalardyń qaýipsizdigi men kámeletke tolmaǵandarǵa qatysty zorlyq-zombylyqtyń aldyn alý máselesin qaita kóterdi.
Belsendiler balalardyń quqyqtaryn qorǵaýǵa jaýapty memlekettik organdardyń jumysyna jan-jaqty tekserý júrgizip, mindetin tiisti deńgeide oryndamaǵan laýazymdy tulǵalarǵa zań aiasynda shara qoldanýdy surap otyr.
Istiń mán-jaiy men kúdiktiniń kinási tergeý nátijesinde anyqtalady.
