31 tamyzda Qyzylorda oblysynyń Aral qalasynan 38 jastaǵy ýchaskelik politsiia inspektorynyń zorlyq belgileri bar máiiti tabyldy, dep habarlaidy ult.kz.
Kriminalnyi Kazahstan Telegram-arnasynyń málimetinshe, janjal kezinde er adam ýchaskelik inspektordy uryp-soqqan. Alǵan jaraqattarynyń saldarynan politsei kóz jumǵan. Oqiǵa kezinde politsiia qyzmetkeri eńbek demalysynda bolǵan.
Qyzylorda oblysy PD málimetinshe, marqum men kúdikti bir-birin burynnan tanyǵan. Ýchaskelik inspektor buǵan deiin er adamdy otbasylyq-turmystyq qatynastar salasyndaǵy quqyq buzýshylyqtary úshin birneshe ret ákimshilik jaýapkershilikke tartqan. Oǵan qatysty qorǵaý nusqamalary da shyǵarylǵan.
Kúdikti – Aral qalasynyń 39 jastaǵy turǵyny. Onyń jeke basy anyqtalǵan, qazirgi ýaqytta er adam izdeýde.
Atalǵan fakti boiynsha qylmystyq is qozǵaldy.
