31 تامىزدا قىزىلوردا وبلىسىنىڭ ارال قالاسىنان 38 جاستاعى ۋچاسكەلٸك پوليتسييا ينسپەكتورىنىڭ زورلىق بەلگٸلەرٸ بار مەيٸتٸ تابىلدى, دەپ حابارلايدى ult.kz.
كريمينالنىي كازاحستان Telegram-ارناسىنىڭ مەلٸمەتٸنشە, جانجال كەزٸندە ەر ادام ۋچاسكەلٸك ينسپەكتوردى ۇرىپ-سوققان. العان جاراقاتتارىنىڭ سالدارىنان پوليتسەي كٶز جۇمعان. وقيعا كەزٸندە پوليتسييا قىزمەتكەرٸ ەڭبەك دەمالىسىندا بولعان.
قىزىلوردا وبلىسى پد مەلٸمەتٸنشە, مارقۇم مەن كٷدٸكتٸ بٸر-بٸرٸن بۇرىننان تانىعان. ۋچاسكەلٸك ينسپەكتور بۇعان دەيٸن ەر ادامدى وتباسىلىق-تۇرمىستىق قاتىناستار سالاسىنداعى قۇقىق بۇزۋشىلىقتارى ٷشٸن بٸرنەشە رەت ەكٸمشٸلٸك جاۋاپكەرشٸلٸككە تارتقان. وعان قاتىستى قورعاۋ نۇسقامالارى دا شىعارىلعان.
كٷدٸكتٸ – ارال قالاسىنىڭ 39 جاستاعى تۇرعىنى. ونىڭ جەكە باسى انىقتالعان, قازٸرگٸ ۋاقىتتا ەر ادام ٸزدەۋدە.
اتالعان فاكتٸ بويىنشا قىلمىستىق ٸس قوزعالدى.
