Qyrǵyzstannyń burynǵy premer-ministri Daniiar Ýsenovtyń uly Ýrmat Ýsenov Almatydaǵy tergeý izoliatoryna qamaldy, dep habarlaidy ult.kz.
Bul týraly Kaktus Media basylymy málimdedi. Ýrmat Ýsenov zańsyz kásipkerlik qyzmetpen ainalysý jáne transulttyq uiymdasqan qylmystyq top qurý isi boiynsha kúdikti retinde tergelip jatyr. Is boiynsha Qyrǵyzstannyń taǵy eki azamaty men Qazaqstannyń bir azamaty da jaýapqa tartylýda.
Tergeý derekterine sáikes, keltirilgen shyǵyn kólemi 26 million teńgeni quraidy. Sonymen qatar, quny 46 million teńgeden asatyn 1,6 tonnadan astam kalian temekisi tárkilengen.
10 naýryzda Almaty soty kúdiktilerdi eki ai merzimge qamaýǵa alý týraly sanktsiia bergen.
Aita keteiik, Daniiar Ýsenov 2009-2010 jyldary Qyrǵyzstannyń premer-ministri qyzmetin atqarǵan. Keiin Belarýske qonys aýdaryp, Daniil Ýritskii esimin alǵan. Qyrǵyzstanda ol beibit turǵyndardy jappai atý oqiǵasyn uiymdastyrdy degen aiyppen syrttai 15 jylǵa sottalǵan.
