Qyrǵyzstanda «Monchok» («Ojerele») filminiń túsirilimi kezinde oqys oqiǵa boldy. Jylqymen shaýyp kele jatqan salt attylardyń kórinisin túsirý barysynda olardyń biri túsirilim tobyna soǵylǵan. Oqiǵa túsirilgen video áleýmettik jelilerde tarady, dep habarlaidy ult.kz.
Habarlanǵandai, oqiǵanyń sońy aýyr zardapqa ulaspaǵan. Aldyn ala málimet boiynsha, salt atty ózge jylqylarǵa bailanysty operatorlar men kamerany baiqamai qalǵan. Saldarynan ol túsirilim tobyna soǵylǵan.
«Monchok» filmi rejisser Avtandil Batyrbekovtiń 2025 jyldyń qazan aiynda Qyrǵyzstanda kórermenge jol tartqan «Akyrky dem» («Sońǵy dem») filminiń jalǵasy sanalady.
Osyǵan uqsas taǵy bir qaiǵyly oqiǵa ótken demalys kúnderi Ystyqkólde boldy. Qyrǵyzstan Densaýlyq saqtaý ministrliginiń málimetinshe, Ystyqkól oblysyndaǵy Qyrchyn shatqalynda atpen serýendeý kezinde 20 jastaǵy jigit qaza tapqan.
Aldyn ala málimet boiynsha, jas jigit attan qulap, aiaǵy úzeńgige ilinip qalǵan. Osydan keiin jylqy júrisin jalǵastyryp, ony birneshe júz metrge deiin súirep ketken.
Aýyr jaraqat alǵan jigit Ananev aýylynyń aýmaqtyq aýrýhanasyna jetkizilgen. Alaida dárigerler onyń ómirin saqtap qala almaǵan.
