AQSh Prezidenti Donald Tramptyń shaqyrýymen Qytai Halyq Respýblikasynyń Tóraǵasy Si Tszinpin 23-25 qyrkúiek aralyǵynda AQSh-qa memlekettik saparmen barady, dep habarlaidy ult.kz.
21 qyrkúiekte ótken kezekti baspasóz máslihatynda Qytai Syrtqy ister ministrliginiń resmi ókili Go Tsziakýn sapar aiasyndaǵy negizgi is-sharalar men Qytai tarapynyń Qytai-AQSh qarym-qatynastaryn damytýǵa qatysty kútýleri týraly aitty.
Go Tsziakýnniń málimdeýinshe, sapar barysynda QHR Tóraǵasy Si Tszinpin men AQSh Prezidenti Donald Tramp Qytai-AQSh qarym-qatynastaryna, sondai-aq álemdegi beibitshilik pen damýǵa qatysty mańyzdy máseleler jóninde tereń pikir almasady.
Go Tsziakýn memleket basshylary diplomatiiasynyń Qytai-AQSh qarym-qatynastaryn strategiialyq turǵydan baǵyttaýda teńdessiz ról atqaratynyn atap ótti. Onyń aitýynsha, eki el basshylarynyń jarty jyl ishinde ózara sapar jasaýy tarihi ári mańyzdy mánge ie.
«Qytai AQSh-pen birlesip, Qytai-AQSh qarym-qatynastarynyń syndarly strategiialyq turaqtylyǵynyń mazmunyn baiytýǵa, dialog pen yntymaqtastyqty nyǵaitýǵa, kelispeýshilikterdi tiisti deńgeide retteýge, eki el halyqtarynyń ál-aýqatyn turaqty túrde arttyrýǵa, sondai-aq búkil álemde beibitshilik, turaqtylyq pen órkendeýge yqpal etýge daiyn», – dedi Qytai SIM ókili.
