اقش پرەزيدەنتٸ دونالد ترامپتىڭ شاقىرۋىمەن قىتاي حالىق رەسپۋبليكاسىنىڭ تٶراعاسى سي تسزينپين 23-25 قىركٷيەك ارالىعىندا اقش-قا مەملەكەتتٸك ساپارمەن بارادى, دەپ حابارلايدى ult.kz.
21 قىركٷيەكتە ٶتكەن كەزەكتٸ باسپاسٶز مەسليحاتىندا قىتاي سىرتقى ٸستەر مينيسترلٸگٸنٸڭ رەسمي ٶكٸلٸ گو تسزياكۋن ساپار اياسىنداعى نەگٸزگٸ ٸس-شارالار مەن قىتاي تاراپىنىڭ قىتاي-اقش قارىم-قاتىناستارىن دامىتۋعا قاتىستى كٷتۋلەرٸ تۋرالى ايتتى.
گو تسزياكۋننٸڭ مەلٸمدەۋٸنشە, ساپار بارىسىندا قحر تٶراعاسى سي تسزينپين مەن اقش پرەزيدەنتٸ دونالد ترامپ قىتاي-اقش قارىم-قاتىناستارىنا, سونداي-اق ەلەمدەگٸ بەيبٸتشٸلٸك پەن دامۋعا قاتىستى ماڭىزدى مەسەلەلەر جٶنٸندە تەرەڭ پٸكٸر الماسادى.
گو تسزياكۋن مەملەكەت باسشىلارى ديپلوماتيياسىنىڭ قىتاي-اقش قارىم-قاتىناستارىن ستراتەگييالىق تۇرعىدان باعىتتاۋدا تەڭدەسسٸز رٶل اتقاراتىنىن اتاپ ٶتتٸ. ونىڭ ايتۋىنشا, ەكٸ ەل باسشىلارىنىڭ جارتى جىل ٸشٸندە ٶزارا ساپار جاساۋى تاريحي ەرٸ ماڭىزدى مەنگە يە.
«قىتاي اقش-پەن بٸرلەسٸپ, قىتاي-اقش قارىم-قاتىناستارىنىڭ سىندارلى ستراتەگييالىق تۇراقتىلىعىنىڭ مازمۇنىن بايىتۋعا, ديالوگ پەن ىنتىماقتاستىقتى نىعايتۋعا, كەلٸسپەۋشٸلٸكتەردٸ تيٸستٸ دەڭگەيدە رەتتەۋگە, ەكٸ ەل حالىقتارىنىڭ ەل-اۋقاتىن تۇراقتى تٷردە ارتتىرۋعا, سونداي-اق بٷكٸل ەلەمدە بەيبٸتشٸلٸك, تۇراقتىلىق پەن ٶركەندەۋگە ىقپال ەتۋگە دايىن», – دەدٸ قىتاي سٸم ٶكٸلٸ.
