Reseidiń Ekaterinbýrg qalasynda quny shamamen 30 million rýbl, iaǵni shamamen 170 mln teńge bolatyn Lamborghini sportkary ǵimaratqa soǵylyp, eki jaiaý júrginshi zardap shekti, dep habarlaidy ult.kz.
Oqiǵa kezinde kúlgin tústi sportkar «Monetka» dúkeniniń ǵimaratyna soǵylǵan. Jergilikti turǵyndar bul kólikti qala kóshelerinde jii júretindikten, «qalanyń kórki» dep atap ketken.
Jol-kólik oqiǵasynan dúkenniń kireberisinde turǵan eki er adam jaraqat alǵan. Olardyń biri jaqynda soǵystan oralǵan baldaqpen júrgen er adam. Ol aýyr jaraqat alyp, aýrýhanaǵa jetkizildi. Kólik júrgizýshisi jol apatynan aman qalǵan.
BAZA málimetinshe, Lamborghini tizgininde jergilikti milliarderlerdiń biriniń uly bolýy múmkin.
Kýágerlerdiń aitýynsha, sportkardy kúzetshileri bar qara tústi jol talǵamaityn kólik súiemeldep júrgen. Apattan keiin kúzet qyzmetkerleri búlingen Lamborghini kóligin mata jaýyp qoiǵan.
Oqiǵanyń naqty mán-jaiy anyqtalyp jatyr.
