Sot Questra World jáne AGAM qarjylyq piramidasynyń uiymdastyrýshylary men qatysýshylaryna úkim shyǵardy, - dep habarlaidy Tengrinews.kz agenttigi Astana sotynyń baspasóz qyzmetine silteme jasap.
Vedomstvo málimetinshe, aiyptaý korpýsynda tórt adam bolǵan, olardyń biri Resei azamaty Olga Kleinard.
Kleinardqa Qylmystyq kodekstiń 264-babynyń 1-bóligi boiynsha transulttyq uiymdasqan top qurdy jáne oǵan jetekshilik etti, sondai-aq Qylmystyq kodekstiń 217-babynyń 3-bóligi boiynsha qarjylyq (investitsiialyq) piramida qurdy degen aiyp taǵyldy.
Qalǵan úsheýi - Qazaqstan azamattary S., P. jáne B.-ǵa Qylmystyq kodekstiń 264-baby 1-bóligi boiynsha transulttyq uiymdasqan topqa qatysty, sondai-aq Qylmystyq kodekstiń 217-baby 3-bóligi boiynsha qarjy piramidasyn qurdy degen aiyp taǵyldy.
Prokýrorlar 2016 jyldyń naýryzynan 2017 jyldyń maýsymyna deiin Kleinard jáne Qazaqstan azamattary S., P., B. basqa da tulǵalardy qarjylyq piramidaǵa qatysýǵa tartqanyn aitty.
Qarjy piramidasynyń zańsyz áreketteriniń nátijesinde transulttyq uiymdasqan topqa qatysýshylar sany 828-den asyp, 1 milliard 153 million teńge shyǵyn kelgen.
Sot tergeýiniń nátijesindes sottalýshylardyń kinási jábirlenýshilerdiń, kýálardyń aiǵaqtarymen jáne qylmystyq is materialdarymen dáleldendi.
Prokýror Kleinardty 12 jylǵa, S. men B.-ny 10 jylǵa, P.-ny 9 jylǵa bas bostandyǵynan aiyrýdy surady.
Sot sottalýshylardyń kámeletke tolmaǵan balalarynyń bar-joǵyn, sottalýshylardyń jasyn jáne densaýlyq jaǵdaiyn nazarǵa aldy.
Sot úkimimen Kleinard múlki tárkilenip, 11 jylǵa, S.-ǵa 8 jylǵa, P. jáne B.- 5 jylǵa bas bostandyǵynan aiyryldy.
Sot jábirlenýshilerdiń azamattyq talaptaryn da qanaǵattandyrdy.
Úkim zańdy kúshine engen joq.
