Pavlodarda birneshe jylǵa sozylǵan 138 million teńgelik salyq daýyna kassatsiialyq sot sońǵy núkte qoidy. Prokýratýranyń narazylyǵynan keiin sot qosylǵan qun salyǵyn (QQS) qosymsha esepteý týraly salyq organynyń sheshimin zańdy dep tanydy, dep habarlaidy ult.kz.
Daýdyń ózegi "SPETsSTROI Grýpp LTD" JShS-ne qatysty boldy. Kompaniia qaita uiymdastyrý nátijesinde birneshe kásiporynnyń quqyqtyq murageri atanyp, oǵan 138 million teńgeden astam QQS qaldyǵy berilgen. Osyǵan bailanysty salyq organynyń tekserýi barysynda atalǵan soma boiynsha túzetý júrgizilip, qosymsha salyq eseptelgen.
Alaida seriktestik bul sheshimmen kelispei, sotqa júgingen. Birinshi jáne apelliatsiialyq satydaǵy sottar kompaniianyń talabyn qanaǵattandyrǵan bolatyn.
Keiin Bas prokýratýranyń narazylyǵy negizinde is kassatsiialyq sotta qaita qaraldy. Nátijesinde tómengi sottardyń sheshimderi kúshin joiyp, kompaniianyń talap-aryzy qanaǵattandyrýsyz qaldyryldy. Osylaisha salyq organynyń áreketi zańdy dep tanyldy.
Prokýratýranyń málimetinshe, bul sheshim ádil salyq salý qaǵidatyn saqtaýǵa jáne memlekettiń qarjylyq múddesin qorǵaýǵa múmkindik bergen.
Sonymen qatar kassatsiialyq sot "QazBitýmServis" JShS boiynsha 7 million teńge kólemindegi qosymsha salyq esepteý týraly sheshimdi de zańdy dep tanydy.
