Qostanai oblysyndaǵy balyq óńdeý kásipornynda aýyr óndiristik jaraqat alǵan jumysshyǵa qatysty oqiǵa arnaiy komissiianyń baqylaýyna alyndy, dep habarlaidy ult.kz.
Aldyn ala málimet boiynsha, kásiporyn qyzmetkeri óndiristik ettartqyshpen jumys isteý kezinde aýyr jaraqat alyp, oń qolynan aiyrylǵan.
Oblystyq eńbek inspektsiiasy departamentiniń habarlaýynsha, jazataiym oqiǵa týraly aqparat vedomstvoǵa 8 mamyr kúni túsken. Eńbek zańnamasyna sáikes mundai jaǵdailar arnaiy tergeýge jatady.
Jaraqattyń aýyrlyq dárejesine qatysty resmi meditsinalyq qorytyndy 28 mamyrda alynǵan. Osydan keiin, 29 mamyrda arnaiy komissiia qurylyp, onyń quramyna memlekettik eńbek inspektory, jumys berýshi jáne qyzmetkerler ókilderi engizilgen.
Qazirgi ýaqytta komissiia óndiristegi aýyr jazataiym oqiǵanyń sebepteri men mán-jailaryn anyqtaý jumystaryn júrgizip jatyr. Tergeý qorytyndysy boiynsha jinalǵan materialdar quqyq qorǵaý organdaryna joldanatyn bolady.
Mamandar eńbek qaýipsizdigi talaptarynyń saqtalýy men jumys ornyndaǵy jaǵdailarǵa da quqyqtyq baǵa beriletinin atap ótti.
